Paṭṭhānapakaraṇa
Dhammapaccanīyānuloma (4), Dukatikapaṭṭhānapāḷi (3)
21.4. Nahetusahetukaduka, Kusalattika
Nahetuṁ nasahetukaṁ nakusalaṁ dhammaṁ paccayā nahetu sahetuko kusalo dhammo uppajjati hetupaccayā. (Saṅkhittaṁ.) Hetuyā ekaṁ …pe… avigate ekaṁ.
Nahetuṁ nasahetukaṁ naakusalaṁ dhammaṁ paccayā nahetu sahetuko akusalo dhammo uppajjati hetupaccayā. (Saṅkhittaṁ.) Hetuyā ekaṁ …pe… avigate ekaṁ.
Nahetuṁ naahetukaṁ naabyākataṁ dhammaṁ paṭicca nahetu ahetuko abyākato dhammo uppajjati hetupaccayā. (Saṅkhittaṁ.) Hetuyā ekaṁ, adhipatiyā ekaṁ …pe… avigate ekaṁ.