Paṭṭhānapakaraṇa
Dhammapaccanīyānuloma (4), Dukatikapaṭṭhānapāḷi (3)
21.7. Sāsavaduka, Kusalattika
Naanāsavaṁ nakusalaṁ dhammaṁ paccayā anāsavo kusalo dhammo uppajjati hetupaccayā. Naanāsavaṁ nakusalaṁ dhammaṁ paccayā sāsavo kusalo dhammo uppajjati hetupaccayā. (Saṅkhittaṁ.) Hetuyā dve …pe… avigate dve.
Naanāsavaṁ naakusalaṁ dhammaṁ paccayā sāsavo akusalo dhammo uppajjati hetupaccayā. Hetuyā ekaṁ …pe… avigate ekaṁ.
Nasāsavaṁ naabyākataṁ dhammaṁ paṭicca sāsavo abyākato dhammo uppajjati hetupaccayā. Naanāsavaṁ naabyākataṁ dhammaṁ paṭicca sāsavo abyākato dhammo uppajjati hetupaccayā. (Saṅkhittaṁ.) Hetuyā dve, adhipatiyā dve …pe… avigate dve.