Paṭṭhānapakaraṇa
Dhammapaccanīyānuloma (4), Dukatikapaṭṭhānapāḷi (3)
21.27. Hetuduka, Parittattika
Nahetuṁ naparittaṁ dhammaṁ paṭicca nahetu paritto dhammo uppajjati hetupaccayā. Nanahetuṁ naparittaṁ dhammaṁ paṭicca nahetu paritto dhammo uppajjati hetupaccayā. (Saṅkhittaṁ.) Hetuyā tīṇi, adhipatiyā tīṇi …pe… avigate tīṇi.
Nahetuṁ namahaggataṁ dhammaṁ paṭicca hetu mahaggato dhammo uppajjati hetupaccayā. (Saṅkhittaṁ.) Hetuyā tīṇi …pe… avigate tīṇi.
Nahetuṁ naappamāṇaṁ dhammaṁ paccayā hetu appamāṇo dhammo uppajjati hetupaccayā. (Saṅkhittaṁ.) Hetuyā tīṇi …pe… avigate tīṇi.