Paṭṭhānapakaraṇa
Dhammapaccanīyānuloma (4), Dukatikapaṭṭhānapāḷi (3)
21.43. Rūpīduka, Sanidassanattika
Narūpiṁ nasanidassanasappaṭighaṁ dhammaṁ paṭicca rūpī sanidassanasappaṭigho dhammo uppajjati hetupaccayā. (Saṅkhittaṁ.) Hetuyā tīṇi, adhipatiyā tīṇi …pe… avigate tīṇi.
Narūpiṁ naanidassanasappaṭighaṁ dhammaṁ paṭicca rūpī anidassanasappaṭigho dhammo uppajjati hetupaccayā. (Saṅkhittaṁ.) Hetuyā tīṇi, adhipatiyā tīṇi …pe… aññamaññe ekaṁ …pe… avigate tīṇi.
Naarūpiṁ naanidassanaappaṭighaṁ dhammaṁ paṭicca rūpī anidassanaappaṭigho dhammo uppajjati hetupaccayā. (Saṅkhittaṁ.) Hetuyā ekaṁ, adhipatiyā ekaṁ …pe… avigate ekaṁ.