Paṭṭhānapakaraṇa
Dhammapaccanīyānuloma (4), Tikatikapaṭṭhānapāḷi (5)
23.11. Kusalattika, Parittattika
Nakusalaṁ naparittaṁ dhammaṁ paṭicca abyākato paritto dhammo uppajjati hetupaccayā. (Saṅkhittaṁ.) Hetuyā pañca, adhipatiyā pañca …pe… aññamaññe tīṇi …pe… vipāke tīṇi …pe… avigate pañca.
Nakusalaṁ namahaggataṁ dhammaṁ paṭicca abyākato mahaggato dhammo uppajjati hetupaccayā. (Saṅkhittaṁ.) Hetuyā tīṇi …pe… avigate tīṇi.
Nakusalaṁ naappamāṇaṁ dhammaṁ paccayā kusalo appamāṇo dhammo uppajjati hetupaccayā. (Saṅkhittaṁ.) Hetuyā cha …pe… āsevane tīṇi …pe… vipāke tīṇi …pe… avigate cha.