Paṭṭhānapakaraṇa
Dhammapaccanīyānuloma (4), Tikatikapaṭṭhānapāḷi (5)
23.13. Kusalattika, Hīnattika
Nakusalaṁ nahīnaṁ dhammaṁ paccayā akusalo hīno dhammo uppajjati hetupaccayā. (Saṅkhittaṁ.) Hetuyā tīṇi …pe… avigate tīṇi.
Nakusalaṁ namajjhimaṁ dhammaṁ paṭicca abyākato majjhimo dhammo uppajjati hetupaccayā. (Saṅkhittaṁ.) Hetuyā cha, adhipatiyā cha …pe… vipāke tīṇi …pe… avigate cha.
Nakusalaṁ napaṇītaṁ dhammaṁ paccayā kusalo paṇīto dhammo uppajjati hetupaccayā. (Saṅkhittaṁ.) Hetuyā cha …pe… āsevane tīṇi …pe… vipāke tīṇi …pe… avigate cha.