Paṭṭhānapakaraṇa
Dhammapaccanīyānuloma (4), Tikatikapaṭṭhānapāḷi (5)
23.44. Sanidassanattika, Vitakkattika
Nasanidassanasappaṭighaṁ nasavitakkasavicāraṁ dhammaṁ paṭicca anidassanaappaṭigho savitakkasavicāro dhammo uppajjati hetupaccayā. (Saṅkhittaṁ.) Hetuyā tīṇi …pe… avigate tīṇi.
Nasanidassanasappaṭighaṁ naavitakkavicāramattaṁ dhammaṁ paṭicca anidassanaappaṭigho avitakkavicāramatto dhammo uppajjati hetupaccayā. (Saṅkhittaṁ.) Hetuyā tīṇi …pe… avigate tīṇi.
Nasanidassanasappaṭighaṁ naavitakkaavicāraṁ dhammaṁ paṭicca sanidassanasappaṭigho avitakkaavicāro dhammo uppajjati hetupaccayā. (Saṅkhittaṁ.) Hetuyā ekavīsa, ārammaṇe tīṇi …pe… avigate ekavīsa.