Paṭṭhānapakaraṇa
Dhammapaccanīyānuloma (4), Tikatikapaṭṭhānapāḷi (5)
23.48. Sanidassanattika, Ācayagāmittika
Nasanidassanasappaṭighaṁ naācayagāmiṁ dhammaṁ paccayā anidassanaappaṭigho ācayagāmī dhammo uppajjati hetupaccayā. (Saṅkhittaṁ.) Hetuyā tīṇi …pe… avigate tīṇi.
Nasanidassanasappaṭighaṁ naapacayagāmiṁ dhammaṁ paccayā anidassanaappaṭigho apacayagāmī dhammo uppajjati hetupaccayā. (Saṅkhittaṁ.) Hetuyā tīṇi …pe… avigate tīṇi.
Nasanidassanasappaṭighaṁ nanevācayagāmināpacayagāmiṁ dhammaṁ paṭicca sanidassanasappaṭigho nevācayagāmināpacayagāmī dhammo uppajjati hetupaccayā. (Saṅkhittaṁ.) Hetuyā ekavīsa, adhipatiyā ekavīsa …pe… avigate ekavīsa.