Paṭṭhānapakaraṇa
Dhammapaccanīyānuloma (4), Dukadukapaṭṭhānapāḷi (6)
24.16. Saraṇaduka, Hetusampayuttaduka
Nasaraṇaṁ nahetusampayuttaṁ dhammaṁ paṭicca araṇo hetusampayutto dhammo uppajjati hetupaccayā. Naaraṇaṁ nahetusampayuttaṁ dhammaṁ paṭicca saraṇo hetusampayutto dhammo uppajjati hetupaccayā. (Saṅkhittaṁ.)
Hetuyā dve …pe… purejāte āsevane ekaṁ …pe… vipāke ekaṁ …pe… avigate dve.
Nasaraṇaṁ nahetuvippayuttaṁ dhammaṁ paṭicca araṇo hetuvippayutto dhammo uppajjati hetupaccayā. Naaraṇaṁ nahetuvippayuttaṁ dhammaṁ paṭicca araṇo hetuvippayutto dhammo uppajjati hetupaccayā. (Saṅkhittaṁ.)
Hetuyā dve, ārammaṇe ekaṁ …pe… sahajāte cattāri …pe… vipāke ekaṁ …pe… avigate cattāri.