sutta » sn » sn22 » Saṁyutta Nikāya 22.133

Koṭṭhikasutta

With Koṭṭhita

Bārāṇasiyaṁ viharanti isipatane migadāye.
At Varanasi.

Atha kho āyasmā sāriputto sāyanhasamayaṁ …pe…

ekamantaṁ nisinno kho āyasmā sāriputto āyasmantaṁ mahākoṭṭhikaṁ etadavoca:
Sāriputta said to Mahākoṭṭhita:

“‘avijjā, avijjā’ti, āvuso koṭṭhika, vuccati.
“Reverend Koṭṭhita, they speak of this thing called ‘ignorance’.

Katamā nu kho, āvuso, avijjā;
What is ignorance?

kittāvatā ca avijjāgato hotī”ti?
And how is an ignorant person defined?”

“Idhāvuso, assutavā puthujjano rūpassa assādañca ādīnavañca nissaraṇañca yathābhūtaṁ nappajānāti.
“Reverend, an unlearned ordinary person doesn’t truly understand the gratification, the drawback, and the escape when it comes to form,

Vedanāya …pe…
feeling,

saññāya …
perception,

saṅkhārānaṁ …
choices,

viññāṇassa assādañca ādīnavañca nissaraṇañca yathābhūtaṁ nappajānāti.
and consciousness.

Ayaṁ vuccatāvuso, avijjā;
This is called ignorance.

ettāvatā ca avijjāgato hotī”ti.
And this is how an ignorant person is defined.”

Evaṁ vutte, āyasmā sāriputto āyasmantaṁ mahākoṭṭhikaṁ etadavoca:
When he said this, Venerable Sāriputta said to him:

“‘vijjā, vijjā’ti, āvuso koṭṭhika, vuccati.
“Reverend Koṭṭhita, they speak of this thing called ‘knowledge’.

Katamā nu kho, āvuso, vijjā;
What is knowledge?

kittāvatā ca vijjāgato hotī”ti?
And how is a knowledgeable person defined?”

“Idhāvuso, sutavā ariyasāvako rūpassa assādañca ādīnavañca nissaraṇañca yathābhūtaṁ pajānāti.
“Reverend, a learned noble disciple truly understands the gratification, the drawback, and the escape when it comes to form,

Vedanāya …pe…
feeling,

saññāya …
perception,

saṅkhārānaṁ …
choices,

viññāṇassa assādañca ādīnavañca nissaraṇañca yathābhūtaṁ pajānāti.
and consciousness.

Ayaṁ vuccatāvuso, vijjā;
This is called knowledge.

ettāvatā ca vijjāgato hotī”ti.
And this is how a knowledgeable person is defined.”

Aṭṭhamaṁ.