sutta » sn » sn31 » Saṁyutta Nikāya 31.1

Suddhikasutta

Plain Version

Ekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme …pe…
At one time the Buddha was staying near Sāvatthī in Jeta’s Grove, Anāthapiṇḍika’s monastery. …

bhagavā etadavoca:
The Buddha said this:

“gandhabbakāyike vo, bhikkhave, deve desessāmi.
“Mendicants, I will teach you about the gods of the centaur realm.

Taṁ suṇātha.
Listen …

Katamā ca, bhikkhave, gandhabbakāyikā devā?
And what are the gods of the centaur realm?

Santi, bhikkhave, mūlagandhe adhivatthā devā.
There are gods who live in fragrant roots,

Santi, bhikkhave, sāragandhe adhivatthā devā.
fragrant heartwood,

Santi, bhikkhave, pheggugandhe adhivatthā devā.
fragrant softwood,

Santi, bhikkhave, tacagandhe adhivatthā devā.
fragrant bark,

Santi, bhikkhave, papaṭikagandhe adhivatthā devā.
fragrant shoots,

Santi, bhikkhave, pattagandhe adhivatthā devā.
fragrant leaves,

Santi, bhikkhave, pupphagandhe adhivatthā devā.
fragrant flowers,

Santi, bhikkhave, phalagandhe adhivatthā devā.
fragrant fruit,

Santi, bhikkhave, rasagandhe adhivatthā devā.
fragrant sap,

Santi, bhikkhave, gandhagandhe adhivatthā devā.
and fragrant scents.

Ime vuccanti, bhikkhave, gandhabbakāyikā devā”ti.
These are called the gods of the centaur realm.”

Paṭhamaṁ.