sutta » sn » sn47 » Saṁyutta Nikāya 47.40

Vibhaṅgasutta

Analysis

“Satipaṭṭhānañca vo, bhikkhave, desessāmi satipaṭṭhānabhāvanañca satipaṭṭhānabhāvanāgāminiñca paṭipadaṁ.
“Mendicants, I will teach you mindfulness meditation, the development of mindfulness meditation, and the practice that leads to the development of mindfulness meditation.

Taṁ suṇātha.
Listen …

Katamañca, bhikkhave, satipaṭṭhānaṁ?
And what is mindfulness meditation?

Idha, bhikkhave, bhikkhu kāye kāyānupassī viharati ātāpī sampajāno satimā, vineyya loke abhijjhādomanassaṁ;
It’s when a mendicant meditates by observing an aspect of the body—keen, aware, and mindful, rid of covetousness and displeasure for the world.

vedanāsu vedanānupassī viharati …pe…
They meditate observing an aspect of feelings …

citte cittānupassī viharati …pe…
mind …

dhammesu dhammānupassī viharati ātāpī sampajāno satimā, vineyya loke abhijjhādomanassaṁ.
principles—keen, aware, and mindful, rid of covetousness and displeasure for the world.

Idaṁ vuccati, bhikkhave, satipaṭṭhānaṁ.
This is called mindfulness meditation.

Katamā ca, bhikkhave, satipaṭṭhānabhāvanā?
And what is the development of mindfulness meditation?

Idha, bhikkhave, bhikkhu samudayadhammānupassī kāyasmiṁ viharati, vayadhammānupassī kāyasmiṁ viharati, samudayavayadhammānupassī kāyasmiṁ viharati, ātāpī sampajāno satimā, vineyya loke abhijjhādomanassaṁ.
It’s when a mendicant meditates observing the body as liable to originate, as liable to vanish, and as liable to originate and vanish—keen, aware, and mindful, rid of covetousness and displeasure for the world.

Samudayadhammānupassī vedanāsu viharati …pe…
They observe feelings …

samudayadhammānupassī citte viharati …pe…
mind …

samudayadhammānupassī dhammesu viharati, vayadhammānupassī dhammesu viharati, samudayavayadhammānupassī dhammesu viharati, ātāpī sampajāno satimā, vineyya loke abhijjhādomanassaṁ.
principles as liable to originate, as liable to vanish, and as liable to originate and vanish—keen, aware, and mindful, rid of covetousness and displeasure for the world.

Ayaṁ vuccati, bhikkhave, satipaṭṭhānabhāvanā.
This is called the development of mindfulness meditation.

Katamā ca, bhikkhave, satipaṭṭhānabhāvanāgāminī paṭipadā?
And what is the practice that leads to the development of mindfulness meditation?

Ayameva ariyo aṭṭhaṅgiko maggo, seyyathidaṁ—
It is simply this noble eightfold path, that is:

sammādiṭṭhi, sammāsaṅkappo, sammāvācā, sammākammanto, sammāājīvo, sammāvāyāmo, sammāsati, sammāsamādhi.
right view, right thought, right speech, right action, right livelihood, right effort, right mindfulness, and right immersion.

Ayaṁ vuccati, bhikkhave, satipaṭṭhānabhāvanāgāminī paṭipadā”ti.
This is called the practice that leads to the development of mindfulness meditation.”

Dasamaṁ.

Ananussutavaggo catuttho.

Tassuddānaṁ

Ananussutaṁ virāgo,

viraddho bhāvanā sati;

Aññā chandaṁ pariññāya,

bhāvanā vibhaṅgena cāti.