sutta » sn » sn48 » Saṁyutta Nikāya 48.56

Patiṭṭhitasutta

Grounded

“Ekadhamme patiṭṭhitassa, bhikkhave, bhikkhuno pañcindriyāni bhāvitāni honti subhāvitāni.
“Mendicants, when a mendicant is grounded in one thing the five faculties become developed, well developed.

Katamasmiṁ ekadhamme?
What one thing?

Appamāde.
Diligence.

Katamo ca bhikkhave, appamādo?
And what is diligence?

Idha, bhikkhave, bhikkhu cittaṁ rakkhati āsavesu ca sāsavesu ca dhammesu.
It’s when a mendicant looks after their mind when it comes to defilements and things that stimulate defilements.

Tassa cittaṁ rakkhato āsavesu ca sāsavesu ca dhammesu saddhindriyampi bhāvanāpāripūriṁ gacchati.
As they do so the faculties of faith,

Vīriyindriyampi bhāvanāpāripūriṁ gacchati.
energy,

Satindriyampi bhāvanāpāripūriṁ gacchati.
mindfulness,

Samādhindriyampi bhāvanāpāripūriṁ gacchati.
immersion,

Paññindriyampi bhāvanāpāripūriṁ gacchati.
and wisdom are fully developed.

Evampi kho, bhikkhave, ekadhamme patiṭṭhitassa bhikkhuno pañcindriyāni bhāvitāni honti subhāvitānī”ti.
That’s how when a mendicant is grounded in one thing the five faculties become developed, well developed.”

Chaṭṭhaṁ.