Therāpadāna

Citakapūjakavagga

8. Saraṇagamaniyattheraapadāna

“Pabbate himavantamhi,

ahosiṁ luddako tadā;

Vipassiṁ addasaṁ buddhaṁ,

lokajeṭṭhaṁ narāsabhaṁ.

Upāsitvāna sambuddhaṁ,

veyyāvaccamakāsahaṁ;

Saraṇañca upāgacchiṁ,

dvipadindassa tādino.

Ekanavutito kappe,

saraṇaṁ upagacchahaṁ;

Duggatiṁ nābhijānāmi,

saraṇāgamanapphalaṁ.

Paṭisambhidā catasso,

…pe…

kataṁ buddhassa sāsanaṁ”.

Itthaṁ sudaṁ āyasmā saraṇagamaniyo thero imā gāthāyo abhāsitthāti.

Saraṇagamaniyattherassāpadānaṁ aṭṭhamaṁ.