sutta » kn » tha-ap » Therāpadāna

8 Amodaphaliyattheraapadāna

“Suvaṇṇavaṇṇaṁ sambuddhaṁ,

Āhutīnaṁ paṭiggahaṁ;

Rathiyaṁ paṭipajjantaṁ,

Āmodamadadiṁ phalaṁ.

Ekanavutito kappe,

yaṁ phalaṁ adadiṁ tadā;

Duggatiṁ nābhijānāmi,

phaladānassidaṁ phalaṁ.

Kilesā jhāpitā mayhaṁ,

…pe…

viharāmi anāsavo.

Svāgataṁ vata me āsi,

…pe…

kataṁ buddhassa sāsanaṁ.

Paṭisambhidā catasso,

…pe…

kataṁ buddhassa sāsanaṁ”.

Itthaṁ sudaṁ āyasmā amodaphaliyo thero imā gāthāyo abhāsitthāti.

Amodaphaliyattherassāpadānaṁ aṭṭhamaṁ.