sutta » an » an4 » Aṅguttara Nikāya 4.91

Asurasutta

Titans

“Cattārome, bhikkhave, puggalā santo saṁvijjamānā lokasmiṁ.
“Mendicants, these four people are found in the world.

Katame cattāro?
What four?

Asuro asuraparivāro,
A titan surrounded by titans,

asuro devaparivāro,
a titan surrounded by gods,

devo asuraparivāro,
a god surrounded by titans, and

devo devaparivāro.
a god surrounded by gods.

Kathañca, bhikkhave, puggalo asuro hoti asuraparivāro?
And how is a person a titan surrounded by titans?

Idha, bhikkhave, ekacco puggalo dussīlo hoti pāpadhammo, parisāpissa hoti dussīlā pāpadhammā.
It’s when a person is unethical, of bad character, and their followers are the same.

Evaṁ kho, bhikkhave, puggalo asuro hoti asuraparivāro.
That’s how a person is a titan surrounded by titans.

Kathañca, bhikkhave, puggalo asuro hoti devaparivāro?
And how is a person a titan surrounded by gods?

Idha, bhikkhave, ekacco puggalo dussīlo hoti pāpadhammo, parisā ca khvassa hoti sīlavatī kalyāṇadhammā.
It’s when a person is unethical, of bad character, but their followers are ethical, of good character.

Evaṁ kho, bhikkhave, puggalo asuro hoti devaparivāro.
That’s how a person is a titan surrounded by gods.

Kathañca, bhikkhave, puggalo devo hoti asuraparivāro?
And how is a person a god surrounded by titans?

Idha, bhikkhave, ekacco puggalo sīlavā hoti kalyāṇadhammo, parisā ca khvassa hoti dussīlā pāpadhammā.
It’s when a person is ethical, of good character, but their followers are unethical, of bad character.

Evaṁ kho, bhikkhave, puggalo devo hoti asuraparivāro.
That’s how a person is a god surrounded by titans.

Kathañca, bhikkhave, puggalo devo hoti devaparivāro?
And how is a person a god surrounded by gods?

Idha, bhikkhave, ekacco puggalo sīlavā hoti kalyāṇadhammo, parisāpissa hoti sīlavatī kalyāṇadhammā.
It’s when a person is ethical, of good character, and their followers are the same.

Evaṁ kho, bhikkhave, puggalo devo hoti, devaparivāro.
That’s how a person is a god surrounded by gods.

Ime kho, bhikkhave, cattāro puggalā santo saṁvijjamānā lokasmin”ti.
These are the four people found in the world.”

Paṭhamaṁ.