sutta » an » an8 » Aṅguttara Nikāya 8.40

Duccaritavipākasutta

The Results of Misconduct

“Pāṇātipāto, bhikkhave, āsevito bhāvito bahulīkato nirayasaṁvattaniko tiracchānayonisaṁvattaniko pettivisayasaṁvattaniko.
“Mendicants, the killing of living creatures, when cultivated, developed, and practiced, leads to hell, the animal realm, or the ghost realm.

Yo sabbalahuso pāṇātipātassa vipāko, manussabhūtassa appāyukasaṁvattaniko hoti.
The minimum result it leads to for a human being is a short life span.

Adinnādānaṁ, bhikkhave, āsevitaṁ bhāvitaṁ bahulīkataṁ nirayasaṁvattanikaṁ tiracchānayonisaṁvattanikaṁ pettivisayasaṁvattanikaṁ.
Stealing, when cultivated, developed, and practiced, leads to hell, the animal realm, or the ghost realm.

Yo sabbalahuso adinnādānassa vipāko, manussabhūtassa bhogabyasanasaṁvattaniko hoti.
The minimum result it leads to for a human being is loss of wealth.

Kāmesumicchācāro, bhikkhave, āsevito bhāvito bahulīkato nirayasaṁvattaniko tiracchānayonisaṁvattaniko pettivisayasaṁvattaniko.
Sexual misconduct, when cultivated, developed, and practiced, leads to hell, the animal realm, or the ghost realm.

Yo sabbalahuso kāmesumicchācārassa vipāko, manussabhūtassa sapattaverasaṁvattaniko hoti.
The minimum result it leads to for a human being is rivalry and enmity.

Musāvādo, bhikkhave, āsevito bhāvito bahulīkato nirayasaṁvattaniko tiracchānayonisaṁvattaniko pettivisayasaṁvattaniko.
Lying, when cultivated, developed, and practiced, leads to hell, the animal realm, or the ghost realm.

Yo sabbalahuso musāvādassa vipāko, manussabhūtassa abhūtabbhakkhānasaṁvattaniko hoti.
The minimum result it leads to for a human being is false accusations.

Pisuṇā, bhikkhave, vācā āsevitā bhāvitā bahulīkatā nirayasaṁvattanikā tiracchānayonisaṁvattanikā pettivisayasaṁvattanikā.
Divisive speech, when cultivated, developed, and practiced, leads to hell, the animal realm, or the ghost realm.

Yo sabbalahuso pisuṇāya vācāya vipāko, manussabhūtassa mittehi bhedanasaṁvattaniko hoti.
The minimum result it leads to for a human being is being divided against friends.

Pharusā, bhikkhave, vācā āsevitā bhāvitā bahulīkatā nirayasaṁvattanikā tiracchānayonisaṁvattanikā pettivisayasaṁvattanikā.
Harsh speech, when cultivated, developed, and practiced, leads to hell, the animal realm, or the ghost realm.

Yo sabbalahuso pharusāya vācāya vipāko, manussabhūtassa amanāpasaddasaṁvattaniko hoti.
The minimum result it leads to for a human being is hearing disagreeable things.

Samphappalāpo, bhikkhave, āsevito bhāvito bahulīkato nirayasaṁvattaniko tiracchānayonisaṁvattaniko pettivisayasaṁvattaniko.
Talking nonsense, when cultivated, developed, and practiced, leads to hell, the animal realm, or the ghost realm.

Yo sabbalahuso samphappalāpassa vipāko, manussabhūtassa anādeyyavācāsaṁvattaniko hoti.
The minimum result it leads to for a human being is that no-one takes what you say seriously.

Surāmerayapānaṁ, bhikkhave, āsevitaṁ bhāvitaṁ bahulīkataṁ nirayasaṁvattanikaṁ tiracchānayonisaṁvattanikaṁ pettivisayasaṁvattanikaṁ.
Taking alcoholic drinks that cause negligence, when cultivated, developed, and practiced, leads to hell, the animal realm, or the ghost realm.

Yo sabbalahuso surāmerayapānassa vipāko, manussabhūtassa ummattakasaṁvattaniko hotī”ti.
The minimum result it leads to for a human being is madness.”

Dasamaṁ.

Dānavaggo catuttho.

Tassuddānaṁ

Dve dānāni vatthuñca,

khettaṁ dānūpapattiyo;

Kiriyaṁ dve sappurisā,

abhisando vipāko cāti.