Jātaka
Tikanipāta
Saṅkappavagga
9. Tirīṭavacchajātaka
“Nayimassa vijjāmayamatthi kiñci,
Na bandhavo no pana te sahāyo;
Atha kena vaṇṇena tirīṭavaccho,
Tedaṇḍiko bhuñjati aggapiṇḍaṁ”.
“Āpāsu me yuddhaparājitassa,
Ekassa katvā vivanasmi ghore;
Pasārayī kicchagatassa pāṇiṁ,
Tenūdatāriṁ dukhasampareto.
Etassa kiccena idhānupatto,
Vesāyino visayā jīvaloke;
Lābhāraho tāta tirīṭavaccho,
Dethassa bhogaṁ yajathañca yaññan”ti.
Tirīṭavacchajātakaṁ navamaṁ.