Jātaka
Catukkanipāta
Kokilavagga
9. Bāverujātaka
“Adassanena morassa,
sikhino mañjubhāṇino;
Kākaṁ tattha apūjesuṁ,
maṁsena ca phalena ca.
Yadā ca sarasampanno,
moro bāverumāgamā;
Atha lābho ca sakkāro,
vāyasassa ahāyatha.
Yāva nuppajjatī buddho,
dhammarājā pabhaṅkaro;
Tāva aññe apūjesuṁ,
puthū samaṇabrāhmaṇe.
Yadā ca sarasampanno,
buddho dhammaṁ adesayi;
Atha lābho ca sakkāro,
titthiyānaṁ ahāyathā”ti.
Bāverujātakaṁ navamaṁ.