Kathāvatthu
Mahāpaṇṇāsaka
Tevīsatimavagga
Arahantavaṇṇakathā
Arahantānaṁ vaṇṇena amanussā methunaṁ dhammaṁ paṭisevantīti?
Āmantā.
Arahantānaṁ vaṇṇena amanussā pāṇaṁ hananti …pe…
adinnaṁ ādiyanti,
musā bhaṇanti,
pisuṇaṁ bhaṇanti,
pharusaṁ bhaṇanti,
samphaṁ palapanti,
sandhiṁ chindanti,
nillopaṁ haranti,
ekāgārikaṁ karonti,
paripanthe tiṭṭhanti,
paradāraṁ gacchanti,
gāmaghātakaṁ karonti …pe…
nigamaghātakaṁ karontīti?
Na hevaṁ vattabbe …pe….
Arahantavaṇṇakathā niṭṭhitā.