Paṭṭhānapakaraṇa
Dhammānulomapaccanīya (3), Tikadukapaṭṭhānapāḷi (4)
16.55. Sanidassanattika, Rūpīduka
Anidassanaappaṭighaṁ rūpiṁ dhammaṁ paṭicca nasanidassanasappaṭigho narūpī dhammo uppajjati hetupaccayā. (Saṅkhittaṁ.) Hetuyā tīṇi …pe… avigate tīṇi.
Anidassanaappaṭighaṁ arūpiṁ dhammaṁ paṭicca naanidassanaappaṭigho naarūpī dhammo uppajjati hetupaccayā. Anidassanaappaṭighaṁ arūpiṁ dhammaṁ paṭicca nasanidassanasappaṭigho naarūpī dhammo uppajjati hetupaccayā …pe… anidassanaappaṭighaṁ arūpiṁ dhammaṁ paṭicca nasanidassanasappaṭigho naarūpī ca naanidassanasappaṭigho naarūpī ca dhammā uppajjanti hetupaccayā. (Saṅkhittaṁ.) Hetuyā cha, adhipatiyā cha …pe… aññamaññe tīṇi …pe… avigate cha.