Paṭṭhānapakaraṇa
Dhammapaccanīyānuloma (4), Dukapaṭṭhānapāḷi (2)
20.3. Āsavagocchaka
Naāsavaṁ dhammaṁ paṭicca āsavo dhammo uppajjati hetupaccayā. Naāsavaṁ dhammaṁ paṭicca noāsavo dhammo uppajjati hetupaccayā. Naāsavaṁ dhammaṁ paṭicca āsavo ca noāsavo ca dhammā uppajjanti hetupaccayā … tīṇi.
Nanoāsavaṁ dhammaṁ paṭicca noāsavo dhammo uppajjati hetupaccayā. Nanoāsavaṁ dhammaṁ paṭicca āsavo dhammo uppajjati hetupaccayā. Nanoāsavaṁ dhammaṁ paṭicca āsavo ca noāsavo ca dhammā uppajjanti hetupaccayā … tīṇi.
Naāsavañca nanoāsavañca dhammaṁ paṭicca āsavo dhammo uppajjati hetupaccayā … tīṇi. (Saṅkhittaṁ.)
Hetuyā nava …pe… vipāke ekaṁ …pe… avigate nava.
Nasāsavaṁ dhammaṁ paṭicca sāsavo dhammo uppajjati hetupaccayā. Nasāsavaṁ dhammaṁ paṭicca anāsavo dhammo uppajjati hetupaccayā. Nasāsavaṁ dhammaṁ paṭicca sāsavo ca anāsavo ca dhammā uppajjanti hetupaccayā … tīṇi.
Naanāsavaṁ dhammaṁ paṭicca sāsavo dhammo uppajjati hetupaccayā … ekaṁ.
Nasāsavañca naanāsavañca dhammaṁ paṭicca sāsavo dhammo uppajjati hetupaccayā … ekaṁ. (Saṅkhittaṁ.)
Hetuyā pañca …pe… ārammaṇe dve …pe… avigate pañca.
Naāsavasampayuttaṁ dhammaṁ paṭicca āsavasampayutto dhammo uppajjati hetupaccayā. (Saṅkhittaṁ.)
Hetuyā nava, ārammaṇe cha …pe… vipāke ekaṁ …pe… avigate nava.
Naāsavañceva anāsavañca dhammaṁ paṭicca āsavo ceva sāsavo ca dhammo uppajjati hetupaccayā. (Saṅkhittaṁ.)
Hetuyā nava …pe… vipāke ekaṁ …pe… avigate nava.
Naāsavañceva naāsavavippayuttañca dhammaṁ paṭicca āsavo ceva āsavasampayutto ca dhammo uppajjati hetupaccayā. (Saṅkhittaṁ.)
Hetuyā nava …pe… avigate nava.
Āsavavippayuttaṁ nasāsavaṁ dhammaṁ paṭicca āsavavippayutto sāsavo dhammo uppajjati hetupaccayā. (Saṅkhittaṁ.)
Hetuyā pañca, ārammaṇe dve …pe… avigate pañca.