Paṭṭhānapakaraṇa
Dhammapaccanīyānuloma (4), Dukatikapaṭṭhānapāḷi (3)
21.8. Āsavasampayuttaduka, Kusalattika
Naāsavasampayuttaṁ nakusalaṁ dhammaṁ paccayā āsavavippayutto kusalo dhammo uppajjati hetupaccayā. (Saṅkhittaṁ.) Hetuyā ekaṁ …pe… avigate ekaṁ.
Naāsavasampayuttaṁ naakusalaṁ dhammaṁ paccayā āsavasampayutto akusalo dhammo uppajjati hetupaccayā. (Saṅkhittaṁ.) Hetuyā tīṇi …pe… avigate tīṇi.
Naāsavasampayuttaṁ naabyākataṁ dhammaṁ paṭicca āsavavippayutto abyākato dhammo uppajjati hetupaccayā. (Saṅkhittaṁ.) Hetuyā tīṇi, adhipatiyā tīṇi …pe… avigate tīṇi.