Paṭṭhānapakaraṇa
Dhammapaccanīyānuloma (4), Tikatikapaṭṭhānapāḷi (5)
23.10. Kusalattika, Sekkhattika
Nakusalaṁ nasekkhaṁ dhammaṁ paccayā kusalo sekkho dhammo uppajjati hetupaccayā. (Saṅkhittaṁ.) Hetuyā cha …pe… āsevane tīṇi …pe… vipāke tīṇi …pe… avigate cha.
Nakusalaṁ naasekkhaṁ dhammaṁ paccayā abyākato asekkho dhammo uppajjati hetupaccayā. (Saṅkhittaṁ.) Hetuyā tīṇi …pe… avigate tīṇi.
Nakusalaṁ nanevasekkhanāsekkhaṁ dhammaṁ paṭicca abyākato nevasekkhanāsekkho dhammo uppajjati hetupaccayā. (Saṅkhittaṁ.) Hetuyā pañca, adhipatiyā pañca …pe… vipāke tīṇi …pe… avigate pañca.