vinaya » pli-tv-bi-vb » pli-tv-bi-vb-pc » Theravāda Vinaya

52. Bhikkhuakkosanasikkhāpada

The training rule on abusing monks

Tena samayena buddho bhagavā vesāliyaṁ viharati mahāvane kūṭāgārasālāyaṁ.
At one time when the Buddha was staying in the hall with the peaked roof in the Great Wood near Vesālī,

Tena kho pana samayena āyasmato upālissa upajjhāyo āyasmā kappitako susāne viharati.
Venerable Upāli’s preceptor, Venerable Kappita, was staying in a charnel ground.

Tena kho pana samayena chabbaggiyānaṁ bhikkhunīnaṁ mahattarā bhikkhunī kālaṅkatā hoti.
At that time the leader of the nuns from the group of six had just died.

Chabbaggiyā bhikkhuniyo taṁ bhikkhuniṁ nīharitvā āyasmato kappitakassa vihārassa avidūre jhāpetvā thūpaṁ katvā gantvā tasmiṁ thūpe rodanti.
They took her to that charnel ground, cremated her near Venerable Kappita’s dwelling, and made a stupa. They then went there to cry.

Atha kho āyasmā kappitako tena saddena ubbāḷho taṁ thūpaṁ bhinditvā pakiresi.
Venerable Kappita was disturbed by the noise, and so he demolished the stupa and scattered the rubble.

Chabbaggiyā bhikkhuniyo—
The nuns from the group of six thought,

“iminā kappitakena amhākaṁ ayyāya thūpo bhinno, handa naṁ ghātemā”ti mantesuṁ.
“Kappita has demolished our Venerable’s stupa; let’s kill him,” and they laid a plan.

Aññatarā bhikkhunī āyasmato upālissa etamatthaṁ ārocesi.
A certain nun told Venerable Upāli what was happening,

Āyasmā upāli āyasmato kappitakassa etamatthaṁ ārocesi.
and he in turn told Venerable Kappita.

Atha kho āyasmā kappitako vihārā nikkhamitvā nilīno acchi.
Venerable Kappita then left his dwelling and went into hiding.

Atha kho chabbaggiyā bhikkhuniyo yenāyasmato kappitakassa vihāro tenupasaṅkamiṁsu;
Soon afterwards the nuns from the group of six went to his dwelling

upasaṅkamitvā āyasmato kappitakassa vihāraṁ pāsāṇehi ca leḍḍūhi ca ottharāpetvā, “mato kappitako”ti pakkamiṁsu.
and crushed it with rocks and lumps of earth. When they thought he was dead, they left.

Atha kho āyasmā kappitako tassā rattiyā accayena pubbaṇhasamayaṁ nivāsetvā pattacīvaramādāya vesāliṁ piṇḍāya pāvisi.
The following morning Venerable Kappita robed up, took his bowl and robe, and entered Vesālī for almsfood.

Addasaṁsu kho chabbaggiyā bhikkhuniyo āyasmantaṁ kappitakaṁ piṇḍāya carantaṁ.
When the nuns from the group of six saw him,

Disvāna evamāhaṁsu—
they said,

“ayaṁ kappitako jīvati, ko nu kho amhākaṁ mantaṁ saṁharī”ti?
“Kappita is alive! Who spoiled our plan?”

Assosuṁ kho chabbaggiyā bhikkhuniyo—
When they heard

“ayyena kira upālinā amhākaṁ manto saṁhaṭo”ti.
it was Venerable Upāli,

Tā āyasmantaṁ upāliṁ akkosiṁsu—
they abused him,

“kathañhi nāma ayaṁ kāsāvaṭo malamajjano nihīnajacco amhākaṁ mantaṁ saṁharissatī”ti.
“How could this barber, this dirt remover of inferior caste, spoil our plan?”

Yā tā bhikkhuniyo appicchā …pe… tā ujjhāyanti khiyyanti vipācenti—
The nuns of few desires complained and criticized them,

“kathañhi nāma chabbaggiyā bhikkhuniyo ayyaṁ upāliṁ akkosissantī”ti …pe…
“How could the nuns from the group of six abuse Venerable Upāli?” …

“saccaṁ kira, bhikkhave, chabbaggiyā bhikkhuniyo upāliṁ akkosantī”ti?
“Is it true, monks, that those nuns did this?”

“Saccaṁ, bhagavā”ti.
“It’s true, Sir.”

Vigarahi buddho bhagavā …pe…
The Buddha rebuked them …

kathañhi nāma, bhikkhave, chabbaggiyā bhikkhuniyo upāliṁ akkosissanti.
“How could the nuns from the group of six do this?

Netaṁ, bhikkhave, appasannānaṁ vā pasādāya …pe…
This will affect people’s confidence …” …

evañca pana, bhikkhave, bhikkhuniyo imaṁ sikkhāpadaṁ uddisantu—
“And, monks, the nuns should recite this training rule like this:

“Yā pana bhikkhunī bhikkhuṁ akkoseyya vā paribhāseyya vā, pācittiyan”ti.
‘If a nun abuses or reviles a monk, she commits an offense entailing confession.’”

Yā panāti
A:

yā yādisā …pe…
whoever …

bhikkhunīti
Nun:

…pe… ayaṁ imasmiṁ atthe adhippetā bhikkhunīti.
… The nun who has been given the full ordination in unanimity by both Sanghas through a legal procedure consisting of one motion and three announcements that is irreversible and fit to stand—this sort of nun is meant in this case.

Bhikkhunti
A monk:

upasampannaṁ.
one who is fully ordained.

Akkoseyya vāti
Abuses:

dasahi vā akkosavatthūhi akkosati etesaṁ vā aññatarena, āpatti pācittiyassa.
if she abuses with the ten kinds of abuse or with any one of them, she commits an offense entailing confession.

Paribhāseyya vāti
Reviles:

bhayaṁ upadaṁseti, āpatti pācittiyassa.
if she induces fear, she commits an offense entailing confession.

Upasampanne upasampannasaññā akkosati vā paribhāsati vā, āpatti pācittiyassa.
If he is fully ordained, and she perceives him as such, and she abuses or reviles him, she commits an offense entailing confession.

Upasampanne vematikā akkosati vā paribhāsati vā, āpatti pācittiyassa.
If he is fully ordained, but she is unsure of it, and she abuses or reviles him, she commits an offense entailing confession.

Upasampanne anupasampannasaññā akkosati vā paribhāsati vā, āpatti pācittiyassa.
If he is fully ordained, but she does not perceive him as such, and she abuses or reviles him, she commits an offense entailing confession.

Anupasampannaṁ akkosati vā paribhāsati vā, āpatti dukkaṭassa.
If she abuses or reviles someone who is not fully ordained, she commits an offense of wrong conduct.

Anupasampanne upasampannasaññā, āpatti dukkaṭassa.
If he is not fully ordained, but she perceives him as such, she commits an offense of wrong conduct.

Anupasampanne vematikā, āpatti dukkaṭassa.
If he is not fully ordained, but she is unsure of it, she commits an offense of wrong conduct.

Anupasampanne anupasampannasaññā, āpatti dukkaṭassa.
If he is not fully ordained, and she does not perceive him as such, she commits an offense of wrong conduct.

Anāpatti—
There is no offense:

atthapurekkhārāya,
if she is aiming at something beneficial;

dhammapurekkhārāya,
if she is aiming at giving a teaching;

anusāsanipurekkhārāya,
if she is aiming at giving an instruction;

ummattikāya,
if she is insane;

ādikammikāyāti.
if she is the first offender.

Dutiyasikkhāpadaṁ niṭṭhitaṁ.
The second training rule is finished.