Saṁyutta Nikāya 14.25
Translators: sujato
Linked Discourses 14.25
3. Kammapathavagga
3. Ways of Performing Deeds
Pañcasikkhāpadasutta
The Five Precepts
Sāvatthiyaṁ viharati.
At Sāvatthī.
“Dhātusova, bhikkhave, sattā saṁsandanti samenti.
“Mendicants, sentient beings come together and converge because of an element:
Pāṇātipātino pāṇātipātīhi saddhiṁ saṁsandanti samenti;
those who kill living creatures with those who kill living creatures,
adinnādāyino adinnādāyīhi saddhiṁ saṁsandanti samenti;
those who steal …
kāmesumicchācārino kāmesumicchācārīhi saddhiṁ saṁsandanti samenti;
commit sexual misconduct …
musāvādino musāvādīhi saddhiṁ saṁsandanti samenti;
lie …
surāmerayamajjappamādaṭṭhāyino surāmerayamajjappamādaṭṭhāyīhi saddhiṁ saṁsandanti samenti.
consume alcoholic drinks that cause negligence …
Pāṇātipātā paṭiviratā pāṇātipātā paṭiviratehi saddhiṁ saṁsandanti samenti;
Those who refrain from killing living creatures …
adinnādānā paṭiviratā adinnādānā paṭiviratehi saddhiṁ saṁsandanti samenti;
who refrain from stealing …
kāmesumicchācārā paṭiviratā kāmesumicchācārā paṭiviratehi saddhiṁ saṁsandanti samenti;
who refrain from sexual misconduct …
musāvādā paṭiviratā musāvādā paṭiviratehi saddhiṁ saṁsandanti samenti;
who refrain from lying …
surāmerayamajjappamādaṭṭhānā paṭiviratā surāmerayamajjappamādaṭṭhānā paṭiviratehi saddhiṁ saṁsandanti samentī”ti.
those who refrain from consuming alcoholic drinks that cause negligence with those who refrain from consuming alcoholic drinks that cause negligence.”
Tatiyaṁ.