sutta » sn » sn22 » Saṁyutta Nikāya 22.8

Dutiyaupādāparitassanāsutta

Anxiety Because of Grasping (2nd)

Sāvatthinidānaṁ.
At Sāvatthī.

“Upādāparitassanañca vo, bhikkhave, desessāmi anupādāaparitassanañca.
“Mendicants, I will teach you how grasping leads to anxiety, and how not grasping leads to freedom from anxiety.

Taṁ suṇātha …pe…
Listen and apply your mind well, I will speak.

kathañca, bhikkhave, upādāparitassanā hoti?
And how does grasping lead to anxiety?

Idha, bhikkhave, assutavā puthujjano rūpaṁ ‘etaṁ mama, esohamasmi, eso me attā’ti samanupassati.
It’s when an unlearned ordinary person regards form like this: ‘This is mine, I am this, this is my self.’

Tassa taṁ rūpaṁ vipariṇamati aññathā hoti.
But that form of theirs decays and perishes,

Tassa rūpavipariṇāmaññathābhāvā uppajjanti sokaparidevadukkhadomanassupāyāsā.
which gives rise to sorrow, lamentation, pain, sadness, and distress.

Vedanaṁ etaṁ mama …pe…
They regard feeling …

saññaṁ etaṁ mama …
perception …

saṅkhāre etaṁ mama …
choices …

viññāṇaṁ ‘etaṁ mama, esohamasmi, eso me attā’ti samanupassati.
consciousness like this: ‘This is mine, I am this, this is my self.’

Tassa taṁ viññāṇaṁ vipariṇamati aññathā hoti.
But that consciousness of theirs decays and perishes,

Tassa viññāṇavipariṇāmaññathābhāvā uppajjanti sokaparidevadukkhadomanassupāyāsā.
which gives rise to sorrow, lamentation, pain, sadness, and distress.

Evaṁ kho, bhikkhave, upādāparitassanā hoti.
That’s how grasping leads to anxiety.

Kathañca, bhikkhave, anupādāaparitassanā hoti?
And how does not grasping lead to freedom from anxiety?

Idha, bhikkhave, sutavā ariyasāvako rūpaṁ ‘netaṁ mama, nesohamasmi, na meso attā’ti samanupassati.
It’s when a learned noble disciple regards form like this: ‘This is not mine, I am not this, this is not my self.’

Tassa taṁ rūpaṁ vipariṇamati aññathā hoti.
When that form of theirs decays and perishes,

Tassa rūpavipariṇāmaññathābhāvā nuppajjanti sokaparidevadukkhadomanassupāyāsā.
it doesn’t give rise to sorrow, lamentation, pain, sadness, and distress.

Vedanaṁ netaṁ mama …
They regard feeling …

saññaṁ netaṁ mama …
perception …

saṅkhāre netaṁ mama …
choices …

viññāṇaṁ ‘netaṁ mama, nesohamasmi, na meso attā’ti samanupassati.
consciousness like this: ‘This is not mine, I am not this, this is not my self.’

Tassa taṁ viññāṇaṁ vipariṇamati aññathā hoti.
When that consciousness of theirs decays and perishes,

Tassa viññāṇavipariṇāmaññathābhāvā nuppajjanti sokaparidevadukkhadomanassupāyāsā.
it doesn’t give rise to sorrow, lamentation, pain, sadness, and distress.

Evaṁ kho, bhikkhave, anupādāaparitassanā hotī”ti.
That’s how not grasping leads to freedom from anxiety.”

Aṭṭhamaṁ.