sutta » sn » sn35 » Saṁyutta Nikāya 35.71

Paṭhamachaphassāyatanasutta

Six Fields of Contact (1st)

“Yo hi koci, bhikkhave, bhikkhu channaṁ phassāyatanānaṁ samudayañca atthaṅgamañca assādañca ādīnavañca nissaraṇañca yathābhūtaṁ nappajānāti.
“Mendicants, anyone who doesn’t truly understand the six fields of contact’s origin, ending, gratification, drawback, and escape

Avusitaṁ tena brahmacariyaṁ, ārakā so imasmā dhammavinayā”ti.
has not completed the spiritual journey and is far from this teaching and training.”

Evaṁ vutte, aññataro bhikkhu bhagavantaṁ etadavoca:
When he said this, one of the mendicants said to the Buddha,

“etthāhaṁ, bhante, anassasaṁ.
“Here, sir, I’m lost.

Ahañhi, bhante, channaṁ phassāyatanānaṁ samudayañca atthaṅgamañca assādañca ādīnavañca nissaraṇañca yathābhūtaṁ nappajānāmī”ti.
For I don’t truly understand the six fields of contact’s origin, ending, gratification, drawback, and escape.”

“Taṁ kiṁ maññasi, bhikkhu,
“What do you think, mendicant?

cakkhuṁ ‘etaṁ mama, esohamasmi, eso me attā’ti samanupassasī”ti?
Do you regard the eye like this: ‘This is mine, I am this, this is my self’?”

“No hetaṁ, bhante”.
“No, sir.”

“Sādhu, bhikkhu, ettha ca te, bhikkhu, cakkhu ‘netaṁ mama, nesohamasmi, na meso attā’ti evametaṁ yathābhūtaṁ sammappaññāya sudiṭṭhaṁ bhavissati.
“Good, mendicant! And regarding the eye, you will truly see clearly with right wisdom that: ‘This is not mine, I am not this, this is not my self.’

Esevanto dukkhassa …pe…
Just this is the end of suffering.

jivhaṁ ‘etaṁ mama, esohamasmi, eso me attā’ti samanupassasī”ti?
Do you regard the ear … nose … tongue … body …

“No hetaṁ, bhante”.

“Sādhu, bhikkhu, ettha ca te, bhikkhu, jivhā ‘netaṁ mama, nesohamasmi, na meso attā’ti evametaṁ yathābhūtaṁ sammappaññāya sudiṭṭhaṁ bhavissati.

Esevanto dukkhassa …pe…

manaṁ ‘etaṁ mama, esohamasmi, eso me attā’ti samanupassasī”ti?
Do you regard the mind like this: ‘This is mine, I am this, this is my self’?”

“No hetaṁ, bhante”.
“No, sir.”

“Sādhu, bhikkhu, ettha ca te, bhikkhu, mano ‘netaṁ mama, nesohamasmi, na meso attā’ti evametaṁ yathābhūtaṁ sammappaññāya sudiṭṭhaṁ bhavissati.
“Good, mendicant! And regarding the mind, you will truly see clearly with right wisdom that: ‘This is not mine, I am not this, this is not my self.’

Esevanto dukkhassā”ti.
Just this is the end of suffering.”

Navamaṁ.