Saṁyutta Nikāya 35.102
Translators: sujato
Linked Discourses 35.102
10. Saḷavagga
10. The Sixes
Dutiyanatumhākasutta
It’s Not Yours (2nd)
“Yaṁ, bhikkhave, na tumhākaṁ taṁ pajahatha.
“Mendicants, give up what’s not yours.
Taṁ vo pahīnaṁ hitāya sukhāya bhavissati.
Giving it up will be for your welfare and happiness.
Kiñca, bhikkhave, na tumhākaṁ?
And what isn’t yours?
Cakkhu, bhikkhave, na tumhākaṁ.
The eye isn’t yours: give it up.
Taṁ pajahatha.
Taṁ vo pahīnaṁ hitāya sukhāya bhavissati.
Giving it up will be for your welfare and happiness.
Rūpā na tumhākaṁ.
Sights …
Te pajahatha.
Te vo pahīnā hitāya sukhāya bhavissanti.
Cakkhuviññāṇaṁ na tumhākaṁ.
Eye consciousness …
Taṁ pajahatha.
Taṁ vo pahīnaṁ hitāya sukhāya bhavissati.
Cakkhusamphasso na tumhākaṁ.
Eye contact …
Taṁ pajahatha.
So vo pahīno hitāya sukhāya bhavissati …pe…
yampidaṁ manosamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tampi na tumhākaṁ.
The pleasant, painful, or neutral feeling that arises conditioned by mind contact isn’t yours: give it up.
Taṁ pajahatha.
Taṁ vo pahīnaṁ hitāya sukhāya bhavissati.
Giving it up will be for your welfare and happiness.
Yampi, bhikkhave, na tumhākaṁ, taṁ pajahatha.
Give up what’s not yours.
Taṁ vo pahīnaṁ hitāya sukhāya bhavissatī”ti.
Giving it up will be for your welfare and happiness.”
Navamaṁ.