sutta » kn » tha-ap » Therāpadāna

Uddālakapupphiyattheraapadāna

“Anomo nāma sambuddho,

gaṅgākūle vasī tadā;

Uddālakaṁ gahetvāna,

pūjayiṁ aparājitaṁ.

Ekattiṁse ito kappe,

yaṁ pupphamabhipūjayiṁ;

Duggatiṁ nābhijānāmi,

buddhapūjāyidaṁ phalaṁ.

Paṭisambhidā catasso,

…pe…

kataṁ buddhassa sāsanaṁ”.

Itthaṁ sudaṁ āyasmā uddālakapupphiyo thero imā gāthāyo abhāsitthāti.

Uddālakapupphiyattherassāpadānaṁ sattamaṁ.