Other Translations: Deutsch , ру́сский язы́к
From:
Theragāthā 6.4 Verses of the Senior Monks 6.4
Chakkanipāta The Book of the Sixes
Paṭhamavagga Chapter One
Kullattheragāthā Kulla
“Kullo sivathikaṁ gantvā, I, Kulla, went to a charnel ground
addasa itthimujjhitaṁ; and saw a woman’s body abandoned there,
Apaviddhaṁ susānasmiṁ, discarded in a cemetery,
khajjantiṁ kimihī phuṭaṁ. full of worms that devoured.
Āturaṁ asuciṁ pūtiṁ, “See this bag of bones, Kulla—
passa kulla samussayaṁ; diseased, filthy, rotten,
Uggharantaṁ paggharantaṁ, oozing and trickling,
bālānaṁ abhinanditaṁ. a fool’s delight.”
Dhammādāsaṁ gahetvāna, Taking the teaching as a mirror
ñāṇadassanapattiyā; for realizing knowledge and vision,
Paccavekkhiṁ imaṁ kāyaṁ, I examined this body,
tucchaṁ santarabāhiraṁ. hollow, inside and out.
Yathā idaṁ tathā etaṁ, As this is, so is that;
yathā etaṁ tathā idaṁ; as that is, so is this.
Yathā adho tathā uddhaṁ, As below, so above;
yathā uddhaṁ tathā adho. as above, so below.
Yathā divā tathā rattiṁ, As by day, so by night;
yathā rattiṁ tathā divā; as by night, so by day.
Yathā pure tathā pacchā, As before, so behind;
yathā pacchā tathā pure. as behind, so before.
Pañcaṅgikena turiyena, Even the music of a five-piece band
Na ratī hoti tādisī; can never give such pleasure
Yathā ekaggacittassa, as when, with unified mind,
Sammā dhammaṁ vipassato”ti. you rightly discern the Dhamma.
… Kullo thero ….